Nanguna ang mga Child Development Workers ng Bayambang sa 9th Provincial Convention for Child Development Workers matapos nilang matanggap ang Biggest Delegates Award, bukod pa sa service awards sa mga CDWs na may 30, 20, 15, at 10 taong serbisyo.
Ang convention ay ginanap sa Lingayen noong June 18-20, 2024, kung saan pinangunahan ni MSWD Officer Kimberly Basco ang delegasyon ng lahat ng 73 CDWs ng Bayambang kasama si CDW President Estherly Frias.
Ang attendance ng mga Bayambang CDWs ay naging posible dahil sa suporta ng mga barangay officials, na siyang sumagot sa kanilang registration fee galing sa Child Welfare Fund (1% ng Internal Revenue Allotment). (RSO; MJPB/MSWDO)
