Nasungkit ng District 8 ang kampeonato kontra District 2 sa Best of 3 championship series ng 2024 LGU-Bayambang Inter-District Volleyball Tournament na ginanap sa Balon Bayambang Events Center noong ika-7 ng Hunyo 2024.
Kinumpleto ng District 8 ang 2-0 sweep kontra District 2 para angkinin ang kampeonato.
Itinakas ng District 8 ang 25-14, 25-13, at 25-16 panalo kontra District 2 sa Game 2. Solido ang inilatag na puwersa ng nasabing team mula sa attack line at net defense hanggang sa matikas na service aces para tuldukan ang District 2.
Inangkin din ng District 8 ang Game 1 kontra District 2 sa score na 25-12, 25-15, at 25-14.
Samantala, nagwagi naman ang District 5 kontra District 6 sa Battle for 3rd, 25-23 (set 1) at 25-11 (set 2) na nauna nang ginanap sa naturan ding venue noong ika-6 ng Hunyo 2024.
Dumalo sa naturang championship game si SK Federation President Marianne Cheska Dulay.
Ang matagumpay na tournament ay inorganisa ng MPFSDC sa pamumuno ni Mayor Niña Jose-Quiambao at MPFSDC Executive Director Bernardo Jimenez, kasama sina at Municipal Administrator, Atty. Rodelyn Rajini Sagarino-Vidad, Dennis Aldrin Malicdem, Tito Mayo, at Edward Dulay. (ni Jayvee M. Baltazar/RSO; larawan: Jayvee M. Baltazar, Ace Gloria)
