Ang kumpanyang Lyric Piano and Organ Corp. ay nagdonate ng isang piano sa bayan ng Bayambang. Ayon kay Alma Joy Cristobal ng Lyric Piano, ang piano ay gawa sa engineering bamboo na gawa sa Bayambang, mula sa pabrika ng CSFirst Green AID Inc., sa Brgy. Amanperez.
Ang naturang musical instrument ay inilagak sa Balon Bayambang Events Center at nakatakdang gamitin sa mga cultural activities ng LGU. Pinag-aaralan din kung paano ito maaaring ipahiram sa mga musical enthusiast ng Bayambang.
Sa kasalukuyan, ang kumpanya ay nagpaplanong magtayo ng isang pabrika ng piano sa bayan ng Bayambang.
Ang LGU-Bayambang ay taos-pusong nagpapasalamat sa Lyric Piano and Organ Corp. (RSO; larawan: RLS)
