Muling nagtipon-tipon ang mga miyembro ng Bayambang LGBTQI Community upang ipagdiwang ang buwan ng Hunyo bilang Pride Month, sa pamamagitan ng Gala Night Year 3.
Nagningning ang okasyon na ginanap sa Balon Bayambang Events Center noong gabi ng June 29, 2024, dahil sa garbo ng kasuotan ng mga miyembro, sa pag-oorganisa ng mga opisyal nito sa ilalim ni President Sammy C. Lomboy Jr.
Naging parte ng programa ang mga paligsahan gaya ng pinakamagandang mukha, pinakamagandang kasuotan, at gay at lesbian star of the night, pati na ang pagkilala sa mga dating presidente ng grupo na sina Isabelito de Vera, Rahnnie Bulatao, Raymund del Prado, at Louie Despogado.
Dumalo sa glamorosong okasyong ito sina Vice-Mayor Ian Camille Sabangan, Kgwd. Benjie de Vera at kanyang kabiyak, Atty. Charina M. de Vera, MTICAO head at Bayambang Polyechnic College President, Dr. Rafael L. Saygo, at Bb. Bayambang 2024 Reign Joy Lim, bilang pagsuporta sa grupo.
Sinagot naman ni Mayor Niña Jose-Quiambao ang raffle prizes, cash prizes, entertainment/guest DJ, at catering services.
